أنا سكوتي ذهب يوم القصايد كلام
أهز بيض الورق ويطيح منها قصيد
حركت غصن المشاعر لين طار المنام
ومرت طيوفك وسرتني لدربٍ بعيد

تعال يا حب أعيشك حب مليون عام
تعال وأسكن حبيبك كل عرق ووريد
يا أعذب من الماء وأرق من الندى والغمام
حرام أظمأ غلاتك وإنت للقلب سيد

أنا عشقتك بداية وأنا نجم بسماك
يا أول الحب وإنته يا القديم الجديد
سولف تفاصيل حبك وأنا كلي غرام
كل ما أنتهت سالفة قلت بالله عيد

تعال يا حب أعيشك حب مليون عام
تعال وأسكن حبيبك كل عرق ووريد
تعال يا حب أعيشك حب مليون عام
تعال وأسكن حبيبك كل عرق ووريد

تموج بي المشاعر لين بحر الهيام
ودي أسافرك وأرحل بك لعالم بعيد
يا أصدق الناس في دنيا كلام وزحام
ودي أعيشك في دنيا وإنته فيني وحيد

تعال يا حب أعيشك حب مليون عام
تعال وأسكن حبيبك كل عرق ووريد
لو المحبة تجي برماح وسهام
أعيش بتراب حبك وأندفن به شهيد