يا هلا فكرة حنت وحن القصيد
المزون المشاعر والسحايب أنا

يا قديم المودة مرحباً بك جديد
رد فيني شعورٍ كنت أظنه فنا

ولع الشوق جمرة والهقاوي بعيد
وأعرف إني أعيشك في غيابك سنا

التوى بي غرامك صرت عاشق عنيد
ما يهزه كلام ولا يرده عنا

إنهل الحب عمرٍ والعمر ما يزيد
ما تفيد الحسوفة لين ضاع الهنا

أصعب العمر للعاشق نهاره وحيد
لين وقف وناظر في الهوى وش جنا

يا حبيبٍ نسيته بين قلب ووريد
في خفوقي مشاعر والكتابة أنا