أول حب يعدي علينا
صعب في يوم ننساه
يفضل واخد روحك منك
عايش على ذكراه

فاكر كل حاجة بتفاصيلها
كله خلاص محفوظ
أي حاجة من ريحته شايلها
وليها مكان مخصوص

ننسى إيه بقى
هو مين لقى
حب وراح وما وجعهوش
من شقا لشقا
حاجة متعبة
ليه اللي حبوا ما بينسوش

مهما نقابل ناس تاني غيرهم
ونحاول ننسى
عمر ما حد آخد أماكنهم
أبداً جوانا
على طول كده ع البال فاكرينهم
مهما تعدي سنين
يمكن بالإسم بعيد عنهم
لكن مش ناسيين

ننسى إيه بقى
هو مين لقى
حب وراح وما وجعهوش
من شقا لشقا
حاجة متعبة
ليه اللي حبوا ما بينسوش