أبدأ بإيه أصل إنت فيك كل العبر
وكل حد وعنده طاقة وصبر يعني
جرحك بيأذي وشكته زي الأبر
وأنا مش هضيع عمري مع إنسان واجعني

أنا فاض بيا تعب وآسية
وإنت سنين بتعذب فيّا
لو مظلوم بصلي في عنيا
وقول إن أنا بتبلى عليك
كل الشر إتشاف على إيدك
كدبك ضلك مش هيفيدك
إتمادى أكتر ربّي يزيدك
وإللي آذيته جاي يأذيك

يلا العين بالعين ودي آخرة
كل إللي بيظلم في حبيبه
ودعوة المظلوم بتفضل
زي السهم لازم يصيبه
بكرة حقي هيجي صافي
وأمضي أوراق إعترافي
إني كارهك كره خيالك
مستحيل أبداً يجيبه

أنا كان همي سعادتك ترضى
وإنت مشاعرك جافة وباردة
قولي بجد ولو حاجة واحدة
عملتها ليّا عشان ترضيني
جرحك كان بالغالي علامه
يعجز أي طبيب قدامه
قلبي سكت مش لاقي كلامه
إمشي وإوعى في مرة تجيني

يلا العين بالعين ودي آخرة
كل إللي بيظلم في حبيبه
ودعوة المظلوم بتفضل
زي السهم لازم يصيبه
بكرة حقي هيجي صافي
وأمضي أوراق إعترافي
إني كارهك كره خيالك
مستحيل أبداً يجيبه