سافرت بعيد
وسبت حبيبي جوايا وجع بيزيد
ضعيفة قصاد جراح دنيا
وحيدة في سكة مش باينة
وتايهة ونفسي لو ثانية
ألاقي في دنيتي تجديد

سافرت بعيد
وقلت لي قبل ما تسافر لقانا أكيد
دي خطوة لابد يوم منها
ومش لاقي بديل عنها
حياة لازم نأمنها
وبكرة كل أيامنا
هتبقى في عيد

متقوليش مهيش فارقة عشان فارقة معايا أكيد
أنا عايشة في نار الفرقة ما بين الآه والتنهيد
بقيت زيك بعيش غربة وحيدة بتشتكي لوحيد
سافرت بعيد

سافرت بعيد
ما سمعتش كلام قلبي وكنت عنيد
لكن رغم اللي عدى وفات
وكتر البعد والمسافات
بدعيلك طول الأوقات
تكون متهني يا حبيبي وتبقى سعيد

سافرت بعيد
ولحظة فرحي يوم ما نجدد المواعيد
ما ترجع ليا من فضلك
واحشني ونفسي أفضفضلك
أنا مش فاهمة ليه إنت سافرت بعيد

متقوليش مهيش فارقة عشان فارقة معايا أكيد
أنا عايشة في نار الفرقة ما بين الآه والتنهيد
بقيت زيك بعيش غربة وحيدة بتشتكي لوحيد
سافرت بعيد