وبحلفلك هشيلك برة حساباتي
ومسموح لك تودع قلبي وحياتي
وهوصف لك حبيبي إزاي هتنساني
وتعرف بعدي ناس تاني
وأرشح لك

متقلقشي لا يمكن أرضى يعني تعاني بعديه
متستغربش أصل أنا روحي رياضية
في عشرة ما بينا فهساعدك
وغصبٍ عني أقف جنبك
طباع فيا

متستناش
حبيبي حاجات ترجعنا عشان ما فيهاش
يا دوب هنداوي في وجعنا
هنعمل إيه ومن غير ليه
حاولنا وربنا ليه حكمة ما وفقناش

ما قصرناش
وجبنا آخرنا وصبرنا وما رتحناش
ولا قدرنا ولا وصلنا لحل جديد
فنبقى بعيد
حبيبي القرب صدقني ما ينفعناش

وطمني عليك من وقت للتاني
وكلمني ده لو تحتاجني تلقاني
أكيد يعني بأصلي وذوقي أنا بعمل
لكن هتقولي هنكمل لا أعذرني
ومش وقته

نعاتب بعض ع الحب اللي ضيعته
ده حب وراح وبالنسبالي ودعته
أقولك حاجة بقى أريح
نقصر في الكلام أريح
بلاش سيرته

متستناش
حبيبي حاجات ترجعنا عشان ما فيهاش
يا دوب هنداوي في وجعنا
هنعمل إيه ومن غير ليه
حاولنا وربنا ليه حكمة ما وفقناش

ما قصرناش
وجبنا آخرنا وصبرنا وما رتحناش
ولا قدرنا ولا وصلنا لحل جديد
فنبقى بعيد
حبيبي القرب صدقني ما ينفعناش