صبغت الراس مرة بعد مرة
وعاد الشيب الأول في مقره
اثاري العمر للمخلوق مرة
ومن جدد شبابه ما تجدد

ويوم إني صغير لمت وقتي
تمنيت إني أكبر قبل وقتي
حسافه للأسف يالأيام عبتي
وذاك الماضي بسرعه تبدد

نعيش العمر والأيام تجري
ويخلق ربنا ما ليس ندري
وأشوف الوقت عكر كل فكري
ونشقى أيام ثم أيام نسعد

ويا ليت أشتري طول الحياتي
بما لي من وسائل ممكناتي
ولكن بعد ما فات الفواتي
وذاك الماضي بسرعه تبدل

صغير أبغاك تتهنى ومرح
وأبا كل يوم في دنياك تسرح
ترا الدنيا وهذا الكون مسرح
أنا مالي سوى راحتك مقصد

تهنا قبل ما يرحل شبابك
يغيبوا عن نظر عينك صحابك
ومن نفسك على نفسك عتابك
ولكن وش يفيدك لو توجد