يا قرب واشنطن ولندن وباريس
حذفة عصا للي رصيده ملايين
اللي هنا دنياه ماله مقاييس
لبة مطاليبه وقالت لها مين

يا عز حالي للرجال المفاليس
اللي تضايقهم وجويه الدياين
اللي قضا عمره وهو خالي الكيس
ما شاف من دنيا الورى إلا عمى العين

يطول ليله بالسهر والوساويس
والفجر ما بانت لقربه براهين
يصير في عين البشر كنه إبليس
تكثر خطياته وهو ما عمل شين

يارب يا ساتر على أهل النواميس
تفرج لمن جوفه تفجر براكين
عايش بليله مثل ليل المحابيس
بجانب الونات والناس ممسين