مشتاقه لك رح لها بالله بادر
شفها من زود الغلا تسمي عليك
ما هو من طبعك تكسر بالخواطر
حرام تكسر قلب متعلق يبيك

لو حصل سوء التفاهم لا تكابر
اللي يحب بروح روحه يشتريك
وإنت تغليها وباين ف المشاعر
مد لها قلبك قبل مدت يديك

باينه الحالة ما هي عشق عابر
تنقرا فعيونكم قولة أبيك
داري ولهها وعينها اللي تناظر
دام تعشقها وهي تموت فيك

عجل بوصلك ترى الشوق أبطى صابر
لي متى الأشواق وهيا تحتريك
فتح و غمضها عينك تلقى باكر
دامنا ف هالحين الله يهديك