الليلة من لولو
الليلة من لولو خذت ضي واحساس
ومني خذت نبض القصيد وشعوره
الليلة إنتي وكل هالعمر والناس
يا باكر الي ارتجي صبح نوره
فرح التخرج والمقابيل جلاس
تزف فرحك في تفاصيل صوره
لولو يابنتي فيك أنا برفع الراس
فوق السحاب وصادق العز سوره
إنتي الذهب واغلى الجواهر والالماس
لا والله إنتي من غلاي وجذوره
منك الفرح يفرح ولا يلحقه باس
مادام في عينك سبايب ظهوره
كل التهاني والتباريك حراس
تاقف على عينك وتحرس سروره
صدر السماء ساسك ولا يشبهك ساس
من فوق عرش الطيب يكتب سطوره
من شوفتك تروى جراهيد يباس
وتنبت وروود القلب وتثمر زهوره
مالومها الليله خذت منك الاحساس
ومني خذت نبض القصيد وشعوره
