خذ شور عاقل ثم تعوذ من إبليس
بعض النصايح ما تقدر بالأثمان
ويش اللي جاب من اليمن عرش بلقيس
لو ما لفا بالعلم هدهد سليمان

ترى الزعل والحزن وكثر الوساويس
تضعف نياط القلب وإتصك شريان
ما قول لك لاتحب حب بمقاييس
ع القد ولا تبالغ بزود ونقصان

الاهتمام الحب وبعض الأحاسيس
أشياء تعطى ماهي تفرض ع الإنسان
وإن سمت قلبك وإعتلته الطواويس
لا اتلوم إلا نفسك إنت اللي غلطان

الحب موقف ما هو هرج وتدليس
وإن جت على التسويف كل له لسان
إبني على الأفعال وأسسها تأسيس
ولا تتبع المقفين وتصيح ندمان

شف قبلنا في ليلى يوم إنهبل قيس
العشق لا إتساوى تخلده الأزمان
واللي يحب خاين على هالمثل قيس
شايل كفنه ويرجو عفو وغفران