خذ شور عاقل ثم تعوّذ من إبليس
بعض النصايح ما تقدر بالأثمان
ويش اللي جاب من اليمن عرش بلقيس
لو ما لفا بالعلم هدهد سليمان

ترى الزعل والحزن وكثر الوساويس
تضعف نياط القلب وتسدّ الشريان
ما أقول لك لا تحب حب بمقاييس
على القد ولا تبالغ بزود ونقصان

الاهتمام والحب وبعض الأحاسيس
أشياء تُعطى ما هي تُفرض ع الإنسان
وإن سمت قلبك واعتلته الطواويس
لا تلوم إلا نفسك إنت اللي غلطان

الحب موقف ما هو هرج وتدليس
وإن جت على التسويف كلٍ له لسان
ابنِ على الأفعال وأسسها تأسيس
ولا تتبع المقفين وتصيح ندمان

شف قبلنا في ليلى يوم انهبل قيس
العشق لا اتساوى تخلده الأزمان
واللي يحب خاين على هالمثل قيس
شايل كفنه ويرجو عفو وغفران