على كثر ما عشت أجبر خواطر
وعلى كثر ما شفت من فرح وآلام
ما عمري حسّيت بمثل هالمشاعر
إلا بوجودك بين ضلعي والأنسام

إنت الوحيد اللي في هالدنيا قادر
يجعل حياتي تمر في هيئة أحلام
تضحك في وجهي عمري فيك يتباشر
مو بس تصنع يومي تصنع لي أعوام

ومن زود ما حبك في صدري تكاثر
وعيوني هامت في تفاصيلك هيام
لي قلب من شفتك إلى اليوم حاير
ما يدري من فينا أنا وكيف ينلام

أنا المعاني العالية ومثلي نادر
وقلبي مثل لعقاب لا ستل وحام
ما تشد عينه كل جيف تناثر
ولا يعيش بعز أو موته إكرام

وإنت اللي لك خاطر عن ألفين خاطر
في قلب وعيون بلا شوفك أيتام
ولو العمر ينعد حسب المشاعر
بقول عمري فيك والباقي أرقام

ومن زود ما حبك في صدري تكاثر
وعيوني هامت في تفاصيلك هيام
لي قلب من شفتك إلى اليوم حاير
ما يدري من فينا أنا وكيف ينلام