أشوفها كل يوم مع الناس
تفوق عن جنسها بحسن الوصايف
أراعي عيون سود خدر ونعّاس
أتوق للنظرة حاير وخايف

نظرة ومن بعدها هزني الشوق

حاولت أكلمها ولكن الأنفاس
ترد في نفسي غصب يا حسايف
يا حلم ليلي يا هبة الريح نسناس
رجوى الأمل فيك يا زين الخلايف

شاللي رماني في طريقك بلا سوق

قوامها الفايق شيّق ومياس
ما مثلها بين الحسن والهنايف
يفز قلبي لين راها ومحساس
وأعيش لي شفتها ف دنيا الترايف

إهي في قلبي غرامه صار مشفوق