حبيبي آسف أزعجتك حلو صوتك قبل لا تنام
سمعته وانشرح صدري وكني شفتك بعيني

حلو كل الكلام اللي يجي من مبسمك أنغام
يونسني وينعشني ويجلي كل ما فيني

خذاني الشوق لك يا ذوق ألا يا أحلى ورود خزام
ألا يا متعة أيامي مع شهوري على سنيني

صحيح إن العشق يذبح ألا يا مصدر الإلهام
وقلبٍ تملكه دايم على حبك يوصيني

أحبك مملكة عمري وحبك ثورة الأيام
تمر سنين بعد سنين حبيبي يا نظر عيني

تبين لك وسط قلبي فيافي خضر وبيض خيام
ربيع العمر لك فدوه رضاك اليوم يكفيني