يا نايمٍ والخلق لجلك سهارى
يا دالهٍ والناس لجلك يسجون
داريت يوم الوجد ما ينتدارى
جمر الغضى وقاد وإن كان مدفون

مواصل ليلي سهر بالنهارا
ويا ليتكم يا ناس بالحال تدرون
حالي معه حال الصقر والحبارى
روح بصيده والقوانيص يعدون

يا عاذليني في عيوني الحيارى
ما شفتوا اللي شفت ياللي تعذلون
يا من بزينه في الملا ما يبارى
وطغى بأوصافه على كل مزيون

لي فيك غاية والأماني كثارا
والقلب في حبك مولع ومفتون
يا نايمٍ والخلق لجلك سهارى
يا دالهٍ والناس لجلك يسجون