لي صاحبٍ بيني وبينه
عهدٍ بدم القلب مكتوب
شايل معي لليوم دينه
شمسه أبد ما تعرف غروب

تسأل لندن عنه وينه
وتسأل عنه عيون وقلوب
وبكل شارع في المدينة
ذكرى غرامه عنه تنوب

الشاهد الله فاقدينه
والقلب من فرحته مسلوب
يا ليتها ترجع سنينة
وترد محبوب لمحبوب

قلب الوفي ربي يعينه
من الوله والشوق بيذوب
ذكرى حمد ذكرى ثمينة
والعمر عقبه هوب محسوب

غالي ومتعبني حنينه
يوم وصف خله برعبوب
ما خاب ظنه في ضنينه
والبعد هذا كان مكتوب