بيني وبينك عساها دايمه الأفراح
غمرني الشوق لك وأعلنته وبحته
لبست حبك على مرى العيون وشاح
يا اللي غلاك بفؤادي قد توشحته

يا اللي لبيبان قلبي تملك المفتاح
إن غبت أعاتبك وإن ألفيته أفرحته
أكبر شانك بقلبي بالوفا يا صاح
يا اللي بشوفك إذا ما جيت ريحته

أسري بليلي وطيفك نوري الوضاح
وإن ما مدى الليل شوقي فيك سرحته
حتى عذولي بحبك لو يجين لصاح
أعاتبه فيك وإن صالحك صالحته

يا اللي خيالك بقلبي باقي ما راح
يميل قلبي شماله وفوقه وتحته
أخايل مزون حبك يوم برقك لاح
وين ما راح دربك بالهوى رحته

يا لايمي كف عني لومك اللحاح
لي قلب حساس وأعرف وين مصلحته
بيني وبينك عساها دايمه الأفراح
غمرني الشوق لك وأعلنته وبحته