يا سيد الغياب أتعبني الرحيل
متى على أبواب القدوم أستقبلك
مشتاق لك لو أن شوفك مستحيل
يا ليت توصلني قبل ما أوصلك

مشتاق لك يا سيد الغياب حيل
مشتاق لك من بحرك إلى ساحلك

الليل حتى بغيبتك ما هو بليل
فاتح شبابيك الأمل وأتخيلك
وبين السهاد وقسوة الليل الطويل
أحس كأني شعب وعيونك ملك

مشتاق لك يا سيد الغياب حيل
مشتاق لك من بحرك إلى ساحلك

هذا المساء عقبك على صدري ثقيل
ياللي كثير الحب والإحساس لك
ما به هناء بعدك وأنا صبري جميل
ماضيك أنا الغالي وأنا مستقبلك

مشتاق لك يا سيد الغياب حيل
مشتاق لك من بحرك إلى ساحلك