حبه جنة أنا عشت فيها
قربه فرحة حلمت بيها
ده اللي بيه إحلو عمري
ده اللي أنا هديله عمري
ياما ليالي بستنى لقاه

مهما قلتله وإتحكاله
مستحيل أوصف جماله
رقة الدنيا في عيونه
قلبي كان الله في عونه
من اللي أنا حسيته معاه

كل يوم ألقى روحي بتنده ليه
ع العموم مش هخبي وأداري عليه
إنه غيرني وسرقني وإن أنا إتعلقت بيه

اللي فات من حياتي ضايع قبليه
في حاجات حلوة حصلتلي على إيديه
كل لحظة تزيد غلاوته وناوي يعمل تاني إيه

لمّا أغمض قلبي شايفه
إسمي غنوة ما بين شفايفه
صوته أجمل صوت ناداني
إبتسامته مطمناني
يوماتي بالي عليه مشغول

بالأمانة وبصراحة
كنت عمري ما هلقى راحة
لولا بالصدفة لقيته
اللي بالغالي إشتريته
منايا أعيش ويّاه على طول

كل يوم ألقى روحي بتنده ليه
ع العموم مش هخبي وأداري عليه
إنه غيرني وسرقني وإن أنا إتعلقت بيه

اللي فات من حياتي ضايع قبليه
في حاجات حلوة حصلتلي على إيديه
كل لحظة تزيد غلاوته وناوي يعمل تاني إيه