الليلة أول مرة بقابله
وميعادنا ما حدش رتبله
حسيت باللي ما كنتش قبله
يوم من الأيام حساه

بحلم ولا بيتهيألي
بسأل قلبي وعيني وعقلي
أنا لازم أفكر على مهلي
قبل ما أسلم لهواه

حبيبي مش حبيبي
أنا إيه ده مش عارفة
جرالي ما جرالي
أنا مالي كده خايفة
باين عليه حبيبي
حبيبي فعلاً آه

الليلة أول مرة بقابله
وميعادنا ما حدش رتبله
حسيت باللي ما كنتش قبله
يوم من الأيام حساه

في حاجات الواحدة بتختارها
لون لبسها شكلها مظهرها
لكن لما الحب يزورها
ما بتخترش وتحتار

وأهو ده اللي بعيني شفته بيجرى
لمّا شغلني بكلمة ونظرة
نساني الدنيا دي على فكرة
ويا رب أوصل لقرار

حبيبي مش حبيبي
أنا إيه ده مش عارفة
جرالي ما جرالي
أنا مالي كده خايفة
باين عليه حبيبي
حبيبي فعلاً آه

الليلة أول مرة بقابله
حسيت باللي ما كنتش قبله
يوم من الأيام حساه