بطريقة مش مناسبة
ما تليقش بلي بينا
مشيت وفاجئتني
لا منك لسه جنبي
ولا منك سبتني
ما حسبتش أي حسبة
ولا كدبة لو إتسألنا
تهون موقفي
أقول للناس ده سابني
ولا هقول مختفي

رسيني رسيني
يا حبيبي قولي ورسيني
تعبان والشك ماليني
بقى معقولة تبيعني

رسيني رسيني
قول ريحني وخليني
أعرف لو لسه شاريني
علشان قلبي واجعني

لو زعلة قول سببها
أو ع الأقل لومني
ولا إتلككتلي
ما بقتش خلاص حاببني
أسهل لو قلت لي
إن الحكاية توبها
تخلص وإنته مساومني
على راحتي وفرحتي
بعد ما خليتني أحبك
تتشال من دنيتي

رسيني رسيني
يا حبيبي قولي ورسيني
تعبان والشك ماليني
بقى معقولة تبيعني

رسيني رسيني
قول ريحني وخليني
أعرف لو لسه شاريني
علشان قلبي واجعني