الإختيار الصعب إنت
والإختيار الأحلى
حياتي رحلة
إخترت تبقى معايا فيها
وسبت نفسي ليك وليها

مريت معاك بكل شيء
عانيت
بيك إعتنيت
حبيتك الحب
اللي ما عرفوش بشر
سافرت ويّاك للقمر يا قمر

أنا عايزة أروح معاك لحد المنتهى
لحد آخر لحظة ولآخر نفس
أتنفسه في حضنك وتبقى إنتا الونس
وأشرب لآخر نقطة من بحر العسل
يا عسل حياتي كلها

رغم المشاكل والمصاعب
والمتاعب والظروف
إنتا الجميل في كل حالة
وإستحالة العين تشوف
زيك ولا أتخيل حياتي
وإنتا مش فيها ده أنا
بحس إنك حتّة مني
بحس إن إنتا أنا

وأنا عايزة أروح معاك لحد المنتهى
لحد آخر لحظة ولآخر نفس
أتنفسه في حضنك وتبقى إنتا الونس
وأشرب لآخر نقطة من بحر العسل
يا عسل حياتي كلها