بدر طلع من مغيبه نور الديرة
نور إديار تضيعني غداريها
أسير فيها وأضيع مشية السيرة
سود الليالي تضيع رجل ماشيها

شلت القلم بكتب من القلب تعبيره
بكتب عن النفس واللي خافيٍ فيها
لو إن قلبي نبيه ويسمع الشيرة
لا أقول له خل حاضرها وماضيها

لكن قلبي عصى وأصبحت في حيره
في حيرة القلب والنفس ومناويها
يطرد ورى اللي تنحت به محاذيره
له مدةٍ صابر برجعته يرجيها

منه عذلته وعيا ما يبي غيره
يستبشر برجعته ساعة ويبغيها
يرجي كريمٍ تعيش الخلق من خيره
ربٍ خلق نفس مخلوقه ومعطيها