من حقي أسأل عن أول وآخر أخبارك
ومن حقك إنك تنشدني عن أخباري
ما يتعب اللي يودك طول مشوارك
يفداك قلبٍ ملكه الطيب لك ساري

لولا الغلا وش يصبرني على نارك
هجرت قلبي وقلبي للوصل ضاري
ما غيرك أحدٍ بها الدنيا سكن دارك
دارك عزيزه على نفسي مثل داري

محال قلبٍ يحب ويسكن أقطارك
يرحل وأنا شايفاً فالعين مقداري
مقبول ما وصلني قبل أسمع أعذارك
يا غاية اللي بعشقك دايم يماري

ما ودي إنك حبيبي تشتت أفكارك
الحال وحده وأنا بالروح لك شاري
ما هو تطفل ولكن كبر مقدارك
خلاني أسألك يأول وآخر أخباري