آه يا ويلي من تصاويبك
في عيوني بانت أسبابك
لي سهيت أتم أهاذي بك
ولا غفت عيني تسادابك

لي سمعت الناس تهذيبك
أحيت عروقي من أطيابك
في نظر عيني أداري بك
فوق نجم سهيل مسحابك

والقمر والليل يوحي بك
والنسيم الجذي غنى بك
والبدر لي لاح يسدي بك
والوصف يدني من أصوابك

وإنته اللي شاحني طيبك
في فؤادي فتحت أبوابك
طايحه روحي لمطاليبك
مغرمٍ هاوي وطلابك

هايمٍ وأبحث وأناديبك
وأندب بحسرات وعزاتك
ما يشافي غير تطبيبك
يا بعد عمري من أعشابك

غبت وإنقطعت مواريبك
وإنته اللي همني غيابك
أعرف إنه سالي قليبك
ولا تسطر بعد في حسابك

ليت ما عرفك ولا أدري بك
ولا نظرت لبسمة عذابك
ولا مشيت بخطأ دريبك
ولا ريولي قربت ترابك

من متى ومن كم عديبك
ما أستطيع عزم على غيابك
لكن أنا بالله طليبك
والذي خلاك لأحبابك

آه يا ويلي من تصاويبك
في عيوني بانت أسبابك
لي سهيت أتم أهاذي بك
ولا غفت عيني تسادابك