يا قلبي لا لتحب بعد
لا تسهر وتشتاق
باجر وراك فراق
يا قلبي فدوه دفتهم
الفرقه ما تنطاق

ماكو فرق كلهم سوه
والجاي مثل الراح
خل نخلص ونرتاح
جرح العشق كلش قوي
ما ينحمل خناق

كلشي ملل ما عندي حل
لازم أخلي الجاي ما يشبه قبل
وحدي أضل ليش أنهمل
واليمشي مني أصلاً يسوي فضل

ما أريد أحن للمو رزن
وأبجي على النساي
كافي تعبت هواي
عاشرت حتى أهل الوفه
بس ما وفوا وياي

جبت العمر ضيم وقهر
يا ويلي كله هموم
والبخت شابع نوم
أيست من شفت العشق
ينتهي بشربة ماي

أبقى مثل ذاك الجبل
قلبي مثل راسي عمره ما نزل
مو عيب أذل نفسي لأجل
واحد مقضيها ما يمشي عدل