منك الجفا والصد ماهوب مني
وأهل الوفا ما تنشرى بأي قيمه
ما أجبرك في دنيتك تحترمني
ومن لا حشمني لا يدور حشيمه

شالمشكلة لو كان حبك سكني
قلبي شجاع ولا يعرف الهزيمه
أنا أنا لو كان مثلك ظلمني
أنا إهتمامي بالنوايا السليمه

كتبت فيك الحب ولّا كتبني
أغلى الكتب فوق الرفوف القديمه
ممكن أقولك شيء ياما ألمني
كأنك ضما وأنا على أرضك غيمه

تدمي كفوف إيدي وأنا فيك أبني
مثل الدول تبنى بصدق وعزيمه
ما بك وفى عن الوفا تختبرني
شوف الزمن بلا كرامة وشيمه

في كل منهج دنيتي علمتني
صدمات دنيا الحب ياهي أليمه
أنا أشكر الدنيا معك نبهتني
أجمل حلوم الليل ياهي مديمه

من روض قلبي كنت بيديك تجني
وأنا أصايل ما أرتضي بالظليمه
أدوس قلبي وللبشر لا ما أحني
مثل الشجر يموت واقف بضيمه