البندق اللي طولت في خباها
ودي أظهرها وأنا القلب صايد
من هو بيذكر لي مراتع مناها
يبشر بصيادٍ ولأهله عوايد

لا ثور العجة وتاصل سماها
لا دست في أرضٍ بها الصيد زايد
وأعرف مداخل طيرها مع ظباها
وأحذر من الحذرات تصبح شرايد

بالهون أختلها ويمي هواها
وتعاود وعين المعاود صوايد
والحق وأصيد القايده في حماها
وأسود في أرضٍ بها الأسد سايد

عنود الظبا لي ثار منك قضاها
من العنود اللي تحط القلايد
كم ليلةٍ نامت وعيني غطاها
وكم ليلةٍ يدي خذتها وسايد