أقولك إيه
وأقولك ليه

أنا إللي أنا فيه مالوش تفسير
تعبت خلاص من الأيام
من الأوهام من التفكير

يا صورة لحد كان بالنسبة ليا حياة
يا حضن الشوك ماليه
ومش قادرة أعيش براه

يا ذنب وصعب أتوب عنه
يا وهم ومش بفوق منه
ياريت أيامي يستنوا
عشان أنساك
يا سكة ومش بغيرها
يا غلطة مصرة أكررها
ورغم ده كله مش كارهة
إني أبقى معاك

في جرح كبير سنين مفتوح
ومش بيروح ومالهوش صوت
وجرح الروح عذابه عذاب
ولو يتساب نهايته الموت

يا سجن بنيته بإيديا بيبانه جراح
عشان ما أخرجش منه
إديت لك المفتاح
يا روحي إللي بعذبها
نهايتي إللي بقربها
يا قهوة مرة بشربها
بطعم الخوف

وحبة بحبة أنا بفضى
لا أنا قابلاك ولا رافضة
ومش شايفة لصبري عليك
سبب معروف