بعدك وجع
حاساك راجع
والشوق زود لي إحتمالاتي
أيوة بعاني إرجع تاني
علشان نفسي أرجع لحياتي

وكإنك ما فارقتش حضني
وكإنك لسه ف أيامي
يا ذكرى ودايماً بتاخدني
يا حكاياتي ف كل كلامي

يا أول كام ساعة في يومي
يا آخر كام كلمة ف ليلي
يا أحلامي الحلوة ف نومي
هعيش على أمل أنت تجيلي

كل ما أقول قربت أنسى
كل ما أقول أنا بتعافى
ألاقي الشوق باين لسه
وف العين دمع ومتشافه

وكإن الشمس ما تطلعشي
من يوم مانت فارقت سنيني
وكإن الدمعة ما تعرفشي
مكان ف الدنيا دي غير عيني

ولا تطلع كلمة يا حبيبي
لغيرك ولا تتقال تاني
ليالينا معقولة يا حبيبي
مش وحشاك زي ما وحشاني

كل ما أقول قربت أنسى
كل ما أقول أنا بتعافى
ألاقي الشوق باين لسه
وف العين دمع ومتشافه

يا آخر كام كلمة ف ليلي
يا أحلامي الحلوة ف نومي
هعيش على أمل أنت تجيلي