ليت العمر يهدى أبهديك عمري
تستاهل الأيام يا زهو الأيام
لو الهوى المحبوس في جوف صدري
يظهر على العالم غشى العالم إهيام

فيني غرامٍ فوق محمول صبري
فيني خيالٍ فوق تصوير الأحلام
صباحي يسرح لك وفي ليلي اسري
وإلى هجع فكري خفوق الهوى قام

والله مالي غير الأشواق عذري
واللي عرف شوق المواليف ما لام
يا من يبيع الصبر يا ناس وأشري
محتاج كل الصبر وأصخي بالإقيام

يا مالك أمري وش نواياك بأمري
أرحم خفوق عن هوى غيركم صام
حالي غدى مثل المساويك مبري
يا باريٍ حالي ترى البعد ظلام

أدري بحالك وإنت بالحال تدري
يالله عسى ذا العام أحسن من العام
ليت العمر يهدى أبهديك عمري
تستاهل الأيام يا زهو الأيام