تجيني بعد ما حبيت غيرك
حبيبي ليه هاللحظة تجيني
حسايف توك تغير مسيرك
تجي يوم أنطفت شمعة حنيني

صبرت سنين أبي صحوة ضميرك
ولا فكرت ف اللي صار فيني

زرعتك ورد وأشتقت لعبيرك
خسارة ما لقيتك في إيديني
بكيت من العطش وأنا بغديرك
شربت من الظمى دمعات عيني

سقى الله ما مضى وأيام خيرك
علي قلبك وأعرف إنك تبيني

تذكر يوم قلبي مثل طيرك
على كيفك ورايك كل حيني
عطيتك كل ما يملى نظيرك
وعز اللي تمنى مع سنيني

تذكر ليلة القمره عشيرك
وتعرف قدر حبك يا ظنيني

عيون الشمس تعرفني سهيرك
بقايا الليل نجمة في جبيني
أنا بالعكس يزعلني مصيرك
أنا جربت جرح العاشقين

حبيبي بالعتب ما أحب أثيرك
غلا ماضيك في قلبي وعيني