زاهية كل الحروف من الشعر
والوصوف من السوالف زاهية

وإنتي يا أجمل كثير من القمر
ودي أنثر لك شعوري قافية

رغبتك تنزل على سمعي مطر
هاك من عمري سماه الصافية

المشاعر بين أعشاب وزهر
وإنتي اللهفة تجي لك حافية

يا سما وقت الغروب وياالفجر
قد ما أكتب في حسنك راهية

كم لنا وهذي المحبة وش كثر
من متى وإنتي لقلبي شافية

من عمر يومك عمر كل العمر
أو لأنك دوم فيني عافية

الأكيد إنك غديتي لي عذر
أرجي الخالق أماني خافية