خان ويحسبني أخون
شافني بعيون طبعه
غيرت فيه الظنون
طاوع العذال ربعه

شاف له غيري ونساني
صار كذاب وأناني
ظلم الدنيا باعيني
راح وما خلا لي شمعه

شلي يجبرني عليه
من عرفته وأنا أتعب
شاف قلبي بين إديه
صار على الحبلين يلعب

غرته ضحكة سنونه
والقصايد في عيونه
ما حسب هالورد باكر
يختفي ويموت زرعه

آه ياعمر الجراح
ليتني ما يوم طعته
اللي عذبني وراح
بعني والحين بعته

بانت عيوبه وبان
للأسف ماله أمان
واللي مثله ما أبيه
اتركه بدون رجعه