بكيتك لين ملتني عيوني
صبرت وطال صبري وانتظاري
حرام النوم ما قارب جفوني
وإنت للأسف منت بداري

أناجي غربة الليل وشجوني
وأراجع في هوا قلبي قراري
عسى ما تكون خانتني ظنوني
أو إنه خاب في الحب اختياري

عساهم يذكروني ما نسوني
مثل ما ذكرهم في البال طاري
أزعلهم مثل ما زعلوني
وأراضيهم بعد رد إعتباري

أبي تختار بي وإلا بدوني
كذا وإلا كذا والليل ساري
حبايبنا عساهم يفهموني
أنا ما أبيع دوم الدوم شاري