كل خطوة ناخدها نحلم بخطوة تانية
بنقرب لبكرة دايماً في كل ثانية
واللي جاي في حياتنا إحنا نبنيه بإيدينا
كل حلم كبير بتبقى بدايته فكرة
ناسين اللي فات ودايما باصين لبكرة
ومفيش حاجة مستحيلة تقدر علينا

اللي جاي في حياتك إنتَ عارفه وراسمه
ده لكل واحد في حلم مكتوب باسمه
كل الحكاية وما فيها نِتعب شوية

امسك في حلمك وخليك وراه
كلمة ده صعب ولا يمكن ولا
إياك في لحظة تقولها
وأهو بكرة ييجي وشايل معاه
فرحة وضحكة ودنيا وحياة
والسكة هنكملها

الأيام اللي في حياتنا بنعيشها مرة
أوعى تستسلم في ثانية للحظة مرة
ده اليوم الحلو اللي يمشي فيه بعده عشرة
اللي يحب الدنيا دائما بيشوف جمالها
وبتقدر توصل عيونه للنور في ليلها
لو في قدامك حواجز دلوقتي شيلها

خلي أحلامك قصادك حاول وجرب
متفكرش تسبيها لحظة أو منها تهرب
واللي بعيد عنك مصيره في يوم يقرب

امسك في حلمك وخليك وراه
كلمة ده صعب ولا يمكن ولا
إياك في لحظة تقولها
وأهو بكرة ييجي وشايل معاه
فرحة وضحكة ودنيا وحياة
والسكة هنكملها