حبيبي غمض عيونك خيالي بيرسمك لوحة
طبيعي يضيّع علومه إذا سلهمت بعيونك
أذوب ف ساحر لحونك ونبرة تيه مبحوحة
وإذا به أذن محرومة فهي ما سمعت لحونك

طبيعي قلبي يصونك بسكون وجية وروحه
وطبيعي يقهر خصومه لأنه راغب يصونك
ومن هو كان مجنونك وعطاك إحساسه وروحه
فمن هو يقدر يلومه إذا ما صار مجنونك

كثير اللي يحبونك كثير يفاخر ببوحه
كثير قلوب مكلومة يا ويل اللي يحبونك
وما أظهرت مكنونك وخلق وناس مجروحة
نهاية ناس محتومة إذا أظهرت مكنونك

وقلي لا هنا دونك وخلي السيرة مفضوحة
حكاية عشق محسومة أنا كيف أحيا من دونك
أنا وحدي لي عيونك أنا الرسام واللوحة
وغيري ضاعت علومه أنا وحدي لي عيونك