لا تحرف في كلامي على مزاجك
ولا تقولني بربك شيء ما قلته
كلما دورت فرحك وابتهاجك
أرجع أندم ع الذي لجلك عملته

من عرفتك يا منسيني السعادة
ما عرفت الفرح عايش في نكادة
كلما حاولت اقولك كم أحبك
قلت شكلك ناوي لقلبي بعاده

لا تغير في شعوري مو بكيفك
ولا تحاسبني على شي ما فعلته
خلني أرتاح من طعنات سيفك
كافي خاف الله في قلبٍ ظلمته

حس فيني إنت ظالمني بزياده
وإلا ظلم الناس صاير فيك عاده
حط نفسك حتى مرة في مكاني
لجل تعرف كم وكم قلبك تمادى