يكفي أنا ما عاد لي أي قدرة
أتحملك وأقبل عذابك ومرك
تخطي وأنا أغفر زلتك كل مرة
خايف خطاك يهز في القلب قدرك

صدقتك إن الغيث أوله قطرة
يا ليتني كذبت غيمك وقطرك
من يم بابك يفتح الوقت شره
لازم أسده وأكفي القلب شرك

يومي عشقتك وأنتقيتك بنظرة
ما كان ظني فيك حبي يغرك
يصعب علي حبٍ تعمدت كسره
حبٍ جبر يوم إنت زليت كسرك

لا تامن اللي طال في الحب صبره
خلك حريص وخذ من الوقت حذرك
وليا علومك في الهوى ما تسره
لا تنتظر من عاشقك ما يسرك