كان إيه يا قلبي أتاه مني
عشان يروح ويتوه عني
بقى موش كفاية كل الناس
في حبه دايماً تاهمني

أنا شوفت أحزان ومأسي
منه ومن أهلي وناسي
وحياة غلاوتك يا زماني
هات لي صبر على مقاسي

يا عزيز عيني
أنا نفسي أروح بلدي

الهم من سكته ذله
قلبي ياما كتير ذله
لا أخد بإيده من الأحزان
ولا حتى من العالي نزله

يا اللي إنتوا حكما وعلامة
في العشق وروني علامة
وأنا أروحله لو همشيله بلاد
يا اللي جرحني بمعلمة

يا عزيز عيني
أنا نفسي أروح بلدي

ليه رد بابه وسكره
وحرمني أدوق من سكره
أنا ما أفتكرش في مرة يا ناس
قلت كلمة تعكره

عمري في عذابه راح مني
وعيونه ليه مش راحمني
هشوفلي أي بلد تانية
وأمشي عشان يرتاح مني

يا عزيز عيني
أنا نفسي أروح بلدي