آه من قلبي اللي مرتكي للحمول
ما تردت عزومه لين للحب مال
عين حرٍ قطام وعنق ريمٍ جفول
ووجه بدر تباهى في ضياه الليال

ترخي أهداب عينك كن رمحك يقول
البقى للقوي وللضعيف الزوال
وأشهد إن الهبايب والقوافي عذول
كل هبة شمالي وصفتك الجزال

الدروب معبورة والهواوي ملول
والليالي ثقيلة والثواني طوال

وين أقفي بقلبي ما لقلبي حلول
ما عطتني طيوفك يا حبيبي مجال
كل ما قلت زانت مر طيفك عجول
وإنعمس خاطر اللي يرتجيك الوصال

كل ما قلت نامي يا عيوني تقول
كيف وأحلام نومي كل أبوها تعال