زين الخجل وأهله
وقليبها العطشان
ماشي على مهله
كل الخطأ ألحان

خطوة يبعدها
لا جيت أناظر له
ومرة يقربها
لا غفيت عن ظله

الشعر له منة
مطوي على القامة
ملفوف في فلة
سلم على أقدامه

يا قدها المياس
اللي شغل قلبي
وطبعي أنا حساس
توهني عن دربي

مدري يمنيني
أو يقصد الحيرة
يوم شافته عيني
عذرت عن غيره

شيٍ يهد الحيل
مقدر على وصفه
والليل ما هو ليل
لو أنحرم عطفه

لكنه ما يرضى
سيد المها يقسى
لو كان لي أغضى
يذكر ولا ينسى

يطلب ويتدلل
كل المنى وصله
لأجله أنا أتحمل
والغالي يرخص له

مرسول يا مرسول
تكرم لي معروفك
قله ترى مشغول
متى تجي يشوفك

يطلب ويتدلل
برضو أنا قابل
لأجله أنا أتحمل
من حب يستاهل