لا تجرحيني جرحك العام ما طاب
داو بحنانك ما مضى وأجرحيني

يا اللي حنانك نظرةٍ بين الأهداب
ردي علي بعض العزا ناظريني

لولاك ما زار القمر ليل الأحباب
ولا لوحت شمس المحبة جبيني

ولولاك ما يلفي على الدار غياب
ولا تبكي اللي مفارق الدار عيني

لا يا بعد كل القرايب والأحباب
ضاع العدل في الناس لو تظلميني

في غيبتك كل الملا عندي أغراب
لا أحدٍ أبي قربه ولا أحدٍ يبيني

خافي على قلبٍ يحبك إلى ذاب
لا تقطعي حبل الرجا في إيديني

لا تجرحيني جرحك العام ما طاب
داو بحنانك ما مضى وأجرحيني