قدر قدر يا روح تحيا بي على طول الدهر
ويا صوت عاشق مسمعي طول الدهر ما فارقه
صوت عشقته من تفاصيل الطفولة م الصغر
أستطربه وأستمتعه وأتنفسه وأعانقه

صوت يشع الطيب في الدنيا على كل البشر
حنان أم وقلب طفل وعين تبكي مفارقه
وإذا سمعته كني الظامي على ضفة نهر
أشرب مكارم ثم تنبت بي علوم شاهقه

يا غيمة كل ما لفت جابت من الفرحة مطر
تروي نفوس بالزمن عاشت بهم وضايقه
مرة سنين ولا تغير شي يا خص البحر
لن السوالف بالمكان وفي الزوايا عالقه

حتى السوالف من تمر طاريك فاحت بك عطر
وتعطرك وتنفسك قلب زمانه خانقه
إن مرني طيفك بليل وكنّ شايل لي فجر
وسود الليالي بقبلتك تصير دايم شارقه

اشتقت لك شوق الضرير اللي فقد نور البصر
وأحتاج لك حاجة غريق لشط كان مفارقه
وأحن لك حنة غريب الدار لبلاد المقر
وأحتاج لك حاجة صحاري الجرد لظة بارقه

كل شي خذه وقتي وخلا لي من الذكرى صور
وأصدق أحاسيس الوله لا من تباطت حارقه
مرة سنين وحن لك قلبي وأنا أكتبلك شعر
من قلب أصايل والحبر من دمع عين غارقه