وهذا الوجه ما غير بديلك
ولا غيرك من العالم لهاني
أشوفك في وصوف الحب جنّة
وأشوفك شي من روعة زماني

أحبك وانتمي لك من ضميري
وكنك شي في داخل كياني
خلقك الله يالمخلوق فتنه
فتنة القلب واثنيت المحاني

أشوفك تحفتن في نون عيني
ودونك عمري المحتوم فاني
جمالك ما خلق ربّي مثيله
وربي احمده يومه عطاني

حظيظ القلب ياخلي بقربك
وأنا أعرف وسط قلبك مكاني
وبعض الوقت لو غير علينا
تصبر طالبك خلي عشاني

يفوز العشق ياخلي تاكد
ونصر الحب يبغي له تفاني
وهذا اليوم حققنا مراد
مراد الحب يحكي به زماني

وأنا لك وين ما تبغي حبيبي
تراني لك مدى عمري تراني
أنا من كثر ما ودي اعيشك
تمنيتك اعيشك عمر ثاني