عندي إكتفاء بالنفس
ولا حاجة ولا حوجة
واللي بياخده البحر
بترجعه الموجة

جابه الهوى وجاني
جاني وما عرفش ينساني
سابني ومن يوم ما سابني
عرفت إنه راجع تاني

داري الوجع
ولا إنت مش داري
ده اللي بيبيعنا في ساعتها
بنلاقي غيره مية شاري

ما فهمناش
كان لسه ناقصه علام
واللي سقط في الدرس
بتعلمه الأيام

تمن البعاد غالي
غالي عليك إنت يا غالي
نفرقلك وإنت مش فارق
مالناش عزيز يابا ولا غالي
هنعيده من تاني
هنقولك إيه تاني
نسكت كلامنا بيضايقك
وإنت مش حمل حاجة تاني

اللي فيك فيك
واللي فينا لسه فينا
ننسى عادي وإنت لسه
برضه مش ناسينا
معاك في أي حاجة واللي تعوزه
يلا بينا
هتبعد يلا بينا
هترجع يلا بينا

جابه الهوى وجاني
جاني وما عرفش ينساني
سابني ومن يوم ما سابني
عرفت إنه راجع تاني

داري الوجع
ولا إنت مش داري
ده اللي بيبيعنا في ساعتها
بنلاقي غيره مية شاري