شفتك وزاد بي الولع والشوق
وأنا قدام أشوفك براحة

يومٍ تفرحني ويوم أعوق
الله يرد القلب لأفراحه
فليت من قلبي ثمان عروق
أنا الشقي والناس مرتاحة

الحب له بأقصى الحشا صندوق
والقلب مغلاقه ومفتاحه
فكرت في العشاق والمعشوق
ناس صحيح وناس مزاحة

والله لو توقف بوسط السوق
أربع دقايق وإنت بالراحة
إن كان ما يبقى ولا مخلوق
يسري ولا يدري بمصباحه

تذبح بنحر وعاتقٍ منتوق
وعيون للعشاق ذباحة
واللي قطع قلبي من المعلوق
ودموع عيني منه سفاحة

كل بطاروق الهوى له ذوق
يدري بمسراحه ومرواحه
قالوا لي إنسى والشقا ملحوق
لكن دموع العين فضاحة