لي ثلاث أيام ما جاني خبر
وآعنا قلب المولع وآعناه

كن يوم الناس للعاشق شهر
لا رسالة ولا كتاب ولا وصاه

أتصبر يا معين اللي صبر
وأتحرى غاية القلب ومناه

الهوى يا أهل الهوى كله خطر
خلوا المفتون يشبع من هواه

التمني والتوجد والسهر
ضرني والقلب جاه اللي كفاه

هل دمعي فوق خدي وانتثر
قلبي المجروح وين ألقى دواه

الحبيب إن غاب زوله أو حضر
ما يحب القلب محبوب سواه

من بحر جده إلى شرقي الخبر
في الحضر والبدو ما تلقى حلاه

شوفة المحبوب والروض الخضر
تنعش القلب المشقى وتغذاه

أرتجي أرمي بلاماك القدر
ولا أختلف دامي على قيد الحياه

وفي جميع الناس ما ألد النظر
ما نسي حبي وقلبي ما نساه