يا سيدي ما لي على الحب سلطان
إنت الذي تآمره بأمرك وتنهاه

كل له أصحابٍ وربع وخلان
ناسٍ تبي بعده وناسٍ تمناه

إلا إنت كل الخلق في حبك إنسان
قلبه معك دايم صباحه وممساه

ياللي وسع صدرك لنا دار وأوطان
وياللي الصخى والجود فعلك تعداه

ما أقولها مدحٍ ترى اللطف له شان
والعطف مثل الجود تحمد سجاياه

إنت البخيل بمنتك وقت الإحسان
وإنت الذي لطفه يباري عطاياه

ما كل من فارق غدى مثل سلطان
كلٍ يبي شوفه وكلٍ ترجاه

لو المرض جيشٍ نطحناه بسنان
ولو الكدر بحرٍ شربناه لرضاه

أنا أحمد اللي مبدل الجهل بإيمان
اللي حمى عمي وصانه وشافاه